O Galpón Lab é unha asociación de novas creadoras e creadores, creativas en diferentes disciplinas, que desenvolven principalmente funcións de xestión, creación e divulgación do ámbito cultural galego.
O obxectivo desta asociación é promover a creación artística e o intercambio cultural. Como asociación ofrecemos apoio a artistas emerxentes, visibilidade e orientación nos seus proxectos.
Comprometémonos a traballar de forma creativa, orixinal e sostible, favorecendo o consumo responsable e de proximidade, conformando unha comunidade vinculada ás prácticas artísticas co fin de compartir, axudar e enriquecerse mutuamente.
Dentro do noso directorio de artistas, contamos con máis de 20 persoas asoaciadas expertas en distintas áreas de creación.