CONCERTO 'AS RÚAS DO VENTO CEIBE'

O Pazo da Cultura de Pontevedra acollerá o vindeiro 29 de maio, ás 20:30 h, un concerto no que participarán máis de 300 coralistas e instrumentistas que, baixo a dirección de David Fiuza, interpretarán poemas de Manuel María, Rosalía de Castro e Celso Emilio Ferreiro. Entrada libre ata completar cabida.

Trátase dun destacado proxecto colectivo promovido pola Fundación Manuel María, que ten como finalidade poñer en valor a obra As rúas do vento ceibe a través da súa adaptación musical. O compositor Xosé Carlos Seráns é o responsable da creación das pezas, que serán interpretadas por unha formación musical de grande relevancia, integrada pola Orquestra Sinfónica de Pontevedra e unha ampla representación coral de Galiza.

Participarán un total de oito corais —cinco de adultos e tres de nenos e nenas—, ademais dunha soprano solista, configurando un conxunto artístico que reflicte a envergadura e a calidade desta iniciativa, chamada a converterse nun evento de especial significación cultural e emotiva.

Interpretación musical: Orquestra Sinfónica de Pontevedra

Voz solista mezzosoprano: Julia Portela Piñón

Coro de adultos:

• Coro de Cámara Thalassa de Marín
• Coro do Hospital de Lugo
• Coro Liceo de Vilagarcía
• Coral de Solfa de Santiago
• Sociedade Coral Polifónica de Pontevedra

Coro infantil:

Peque Coro In Crescendo de Ferrol

Voces da Terra Chá (Lugo)

Coro IES A Xunqueira de Pontevedra

Director: David Fiuza.