Visitas guiadas coa equipa do proxecto e artistas: os venres16, 23 e 30 de setembro e 7, 14 e 21 de outubro ás 18:00h. Non é preciso reservar praza.

Aberta ao público para visita libre ata o 30 de outubro no horario habitual de apertura da Sala: martes a venres de 18.00 a 21.00 h. sábados de 12.00 a 14.00 h. e de 18.00 a 21.00 h., domingos e festivos de 12.00 a 14.00 h. Luns, pechada.

Do final e do comezo, é o resultado dun longo proceso de investigación e creación, xermolado e
construído na Facultade de Belas Artes de Pontevedra. Froito dunha procura non sempre sinxela, e
da necesidade de amosa nun proxecto final, os intereses e as inquedanzas, as poéticas e as
realidades, as experiencias e os aprendizaxes, os erros e os acertos, de toda unha promoción (26 alumnos/as), a través dos Traballos Fin de Grado.
Unha exposición que ten como obxectivo plasmar o escenario artístico do alumnado, a partir dunha
selección dos proxectos realizados para esta etapa, que poñen fin a catro anos intensos de traballo,
e que dá comezo a novos camiños. A mostra aproxímanos ás cuestións abordadas polo alumnado,
nas que son unha constante: a memoria individual e colectiva, o paso do tempo, a identidade, a
paisaxe intervida, o azar, o cotiá, a representación, etc. Recorrendo a múltiples e diversos medios
como a escultura, a cerámica, o vídeo, a pintura, a fotografía, a performance, a instalación…
Como novidade, este ano hónranos poder contar con dúas pezas cedidas pola Facultade de Belas
Artes, da artista e docente Berta Cáccamo, que abrazan e fan de engranaxe o especial interese de
deternos e amosar o proceso creativo, os métodos artísticos e materiais utilizados, concentrados e
amosados o final da sala a modo de arquivo.

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Espectáculo de títeres recomendado a partir de 6 anos e ata os 106 adicado a todas as persoas transxénero do mundo. Gañador dos premios Max e Fetén ao Mellor espectáculo infantil.

Esta é a historia da pequena CRISTINA, unha nena que ao nacer pensaron que era un neno. Si, un neno… Ela nunca se sentiu neno. Desde sempre se sentiu nena e así llo fixo saber a seus pais desde moi pequeniña. CRIS, que así lle gusta que a chamen, é unha nena trans, alegre e intelixente, que loita polo seu dereito para ser a persoa que é e sente. Desexa ter un futuro repleto de liberdade e oportunidades, para poder crecer e desenvolverse, como calquera outra nena da súa idade.

Os Premios Martín Códax da Música nacen co obxectivo de recoñecer a diversidade e a calidade das producións musicais galegas. A convocatoria está promovida por Músicas ao Vivo, e vai dirixida a todos os proxectos musicais galegos que estean vixentes e en activo neste ano 2022. A inscrición aos Premios é libre e gratuíta. Máis información: www.premiosmartincodaxdamusica.gal

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Un cartel pendurado no manubrio da porta. “Por favor, arranxe o cuarto”. Ao regreso da praia, as camas feitas, as toallas limpas e o baño impoluto. Son as que limpan, as invisibles que carretan ao lombo un sistema turístico precarizador. As que limpan é unha sátira utópica inspirada na loita organizada das camareiras de piso dos hoteis por conseguiren uns dereitos laborais e sociais xustos. Fronte a elas, a avaricia voraz dos propietarios das cadeas hoteleiras. Hai quen nunca limpou un váter e hai quen limpa cincocentos ao mes.

Con Areta Bolado,  Noelia Castro e Ailén Kendelman

Cando Maria Arnal i Marcel Bagés volveron empezar, sabían que o vento sopraba -e como sopraba!- de fronte. Pero tamén que o seu segundo álbum, CLAMOR (Fina Estampa, 2021), era (é) un milagre: unha fábula contra-pandémica que reivindica nosa propia vulnerabilidade; unha (hiper) utopía de pop mutante que renova por completo o imaxinario sonoro de 45 Cerebros y 1 corazón (2017).

A raíz desa música que agora nace electrónica en Clamor, é a tradición á que acoden, esa que permite convivir no escenario a composicións do seu primeiro repertorio, que soaron seguidas, coas máis recentes. Continuidade sen sobresalto inspirada nun sentido permanente. Un espectáculo para os sentidos.

Entradas para o concerto en Ataquilla.com a partir de 16+ gastos de xestión.

Abonos para todo o ciclo (Maria Arnal i Marcel Bagés e A Pedreira) a 30e+ gastos en Ataquilla.com

Menores de12 anos, 50% de desconto.

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Espectáculo de teatro de actor para público infantil e familiar (+ 5 anos) Duración 50 min

Ludivina e Tereija son dúas pitas que viven no curral da Barreira. Están agardando a visita de Ricardiño, o neno que ven ás veces xogar con elas. Pero temen que ese dia chova, pois cando isto pasa Ricardiño tolea e perségueas ate pechalas no curral. Coa axuda do Galo Chafarís e o raposo Rosende, tentarán que o neno, deixe de tolear coa choiva e sega a xogar con elas… Adaptación do conto de Ricardo Carvalho Calero As pitas baixo a choiva. Baseado en historias de Xentes da Barreira, O lar de Clara, O país de Erika, Amores Serodios. Teatro Ghazafelhos presenta esta divertida adaptación teatral para o público infantil e familiar.

Seminario Permanente de Jazz. Entradas á venda aquí. Prezo 3€

Abe Rábade naceu en Santiago de Compostela en 1977. Iniciou os estudos musicais no Conservatório Histórico de Santiago, e proseguiunos no centro de jazz “Estudio escola de música”, tamén en Compostela. Entre 1995 e 1999 realizou estudios no Berklee College of Music (Boston, Estados Unidos), onde obtivo unha Licenciatura cum laude en Composición de Jazz e Piano. Realizou estudios de composición con Antón García Abril de 2012 a 2016 na Escola de Altos Estudios Musicais de Compostela.
Desde 1996 lidera un trío de jazz acústico. Desde 2008 a sección rítmica do trío é estable, con Pablo Martín Caminero (contrabaixo) e Bruno Pedroso (batería). Realiza tamén habitualmente concertos e gravacións a piano solo ou en formatos máis amplos, com instrumentos de vento – principalmente quinteto e septeto así como con bigband ou orquestra ou banda sinfónica.
Editou como líder os discos: Babel de Sons (2001), Simetrías (2002), GHU! Project vol.1 (2004), Playing on Light -7 sounding photos- (2006), Open Doors (2008), Abe Rábade Piano Solo (2009), Zigurat (2010), A Modo (2012), VerSons (2013), galardoado com o Prémio Martín Códax na Categoria de Jazz e Músicas
Improvisadas, Tránsitos (2015), Once (2016), Doravante (2018), Sorte (2021) e Botánica (2022).
Algúns dos músicos cos que tocou e/ou gravou son: Jesús Santandreu, Miguel Zenón, Bob Mintzer, Perico Sambeat, Jorge Pardo, Chris Kase, Avishai Cohen, Alan Ferber, Toni Belenguer, Kurt Rosenwinkel, Claudia Acuña, Deborah Carter, Carlos Barretto, Javier Colina,T erri Lyne Carrington, Bill Goodwin, Jeff Williams, Skip Hadden ou Jeff Ballard. Tocou na maior parte dos festivais de jazz do estado español e deu concertos
nos Estados Unidos, Reino Unido, Cuba, Finlandia, Brasil, Chile, Costa Rica,
El Salvador, Guatemala, México, Francia, Alemaña, Suíza, Portugal, Marrocos, China e Bangladesh.
É co-diretor do Seminario Permanente de Jazz de Pontevedra (Galiza) desde o ano 2001. Desde 2009, ensina no curso de Jazz da Escola Superior de Música e Artes do Espectáculo, no Porto. Desde 2019 tamén é docente no Centro Superior de Música de Galicia (en Valga).
Realizou as seguintes encomendas como compositor sinfónico: Tránsitos, obra en 4 movementos realizada para a Real Filharmonía de Galicia e estreada en 2015 no Auditorio de Galicia baixo a direción de Paul Daniel. Tempos Velados, obra sinfónica en 4 movementos realizada para a Real
Filharmonía de Galicia e estreada en 2017 no Auditorio de Galicia baixo a direción de Paul Daniel.
É autor de máis de 200 composicións orixinais nos estilos jazz, clásica e músicas do mundo

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

O Péndulo é a nova montaxe de Inversa Teatro en coprodución co CDG, a MIT Ribadavia e a Area da Memoria Histórica da Deputación de Pontevedra. Colabora o Concello da Cañiza, o Concello de Negreira e o Concello de Vigo.

Unha obra de teatro-documento que nos amosa como se desenvolveu a sublevación militar de 1936 e o inicio da Guerra Civil en Galicia. Este achegamento á nosa historia colectiva faise desde o persoal. Marta Pérez, co-dramaturga e actriz, trasládanos a experiencia do seu bisavó, Tirso Gómez Freijido, natural de Ribadavia e residente na Cañiza. Membro do Partido Socialista Galego, republicano e presidente da Casa do Pobo da vila. Tirso foi apresado e fusilado no ano 1936 no Castro de Vigo, xunto cos seus camaradas Justo Moure, Jesús Pérez e Antonio Mojón. Outro veciño da localidade, Benjamín Malvar, apareceu asasinado nunha gabia. Xunto con eles foi apresada tamén María Gómez, alcaldesa da Cañiza, pertencente a Esquerda Republicana, a única muller que exerceu ese cargo en Galicia durante a Segunda República. Esta última conseguiu salvarse do fusilamento no último momento, alegando un falso embarazo. Foi condenada a cadea perpetua e rematou vivindo en Lugo coa anarquista Urania Mella.

Marta Pérez, Nerea Brey e Rosa Puga Davila

A artista americana non necesita presentacións, falamos dunha das mellores voces do jazz contemporáneo das últimas dúas décadas. Unha cantante e compositora  atemporal cun talento indiscutible, que chega ao Pazo da Cultura de Pontevedra cunha xira moi especial, na que repasará ao completo o seu disco máis aclamado, o impresionante “ Careless  Love”.

Entradas a partir de 12€ + gastos en Ataquilla.com e de non esgotarse, 1h. antes na billeteira do Pazo da Cultura.

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Espectáculo de teatro de obxectos para público infantil e familiar (+ 5 anos) Duración 50 min

“Lola sempre arrastra un cazo atrás dela. O cazo caíulle un día enriba… Non se sabe moi ben por que. Por causa deste cazo, Lola xa non é de todo coma os demais. Precisa de moito agarimo, é moi sensible e ten un gran sentido artístico. A miúdo as persoas só ven nela ese cazo que arrastra por todas partes. E atópano raro… Ademais, o seu cazo complícalle a vida.

Afortunadamente existen persoas maravillosas, só fai falta dar cunha delas..

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Unha mañá aparece fronte á porta dun instituto unha pintada que reza “GOLFA”, un insulto anónimo que destapa a historia que o precede. Amanda e Fran foron parella hai uns meses, adolescentes cuxa experiencia é a de tantos, unha relación que se viu truncada. Este feito non tivese relevancia algunha se inmediatamente despois desta ruptura Amanda non sufrise un terrible acoso virtual que leva aos seus pais para denunciar a posible autoría de Fran tras este feito. Ata que non se aclaren os feitos a dirección do instituto decide apartar a Fran das súas clases. Todo se revoluciona cando a nai de Fran, Vicky, aparece na porta de entrada do instituto e insulta gravemente a Amanda utilizando unha palabra moi concreta: golfa. Xusto unha semana despois aparece ben visible o graffitti onde comeza esta historia.

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

“Camiño de historias” é un espectáculo constituído por tres historias de tradición oral procedentes de diversos países de fala portuguesa que abordan dunha maneira amena e divertida cuestións como a interculturalidade e os dereitos humanos.

En cada unha das historias o público ten que atopar unha palabra, que é a esencia desa historia, e que xunto coas outras dúas, constitúe unha “fórmula” para que as persoas sexan felices.

Tamén se destaca a grande utilidade do galego para facilitar a comunicación con máis de 280 millóns de falantes de portugués de todos os continentes (de Portugal, do Brasil, de Angola, de Mozambique de Timor Leste…)

Cada relato é tratado dun xeito diferente. Así pois, nun prima a palabra, noutro, as imaxes e noutro recupérase a arte das contadoras e contadores ambulantes das feiras de antano.

Seminario Permanente de Jazz. Entradas á venda aquí. Prezo 3€

Nace en Vilanova de Arousa o 19 de Decembro do 1975. A sua formación musical escomeza aos 8 anos de idade con diferentes mestreas de solfeo e baixo eléctrico, pasando mais tarde a formarse en diversas escolas de música como o Estudio Escola de Música (Santiago de Compostela) ou Escola Obradoiro
(Pontevedra). En 1995 e 1996 é becado por “Estudio Escola de Música” para participar nos “Sixth e Seventh IASJ Jazz Meeting” realizados en Tel-Aviv (Israel) e Copenhague (Denmark), dirixidos pola “International Association of Scholls of Jazz” (IASJ).

No ano 1996 obtén duas becas da máis prestixiosa universidade de Jazz e música moderna do mundo, a “Berklee College of Music”, trasladándose a Boston, Massachussets (USA) para perfeccionar os seus estudios musicáis, onde ademáis compaxina na mesma cidade asignaturas electivas no “Roxbury Community College”. Destaca mencionar a sua dobre licenciatura en Bass Performance & Jazz Composition, (Bachelor of Music, degree) con mención honorífica (Magna Cum Laude), e o premio “The Charles Mingus Award of Outstanding Musicianship” no ano 2000, concedido pola universidade ao músico mais destacado de cada promoción.
Moitos dos músicos cos que ten gravado e acompañado nestos últimos anos son: Mark Turner, Sheila Jordan, Orrin Evans, Chris Cheek, Ambrose Akinmusire, Miguel Zenon, Lage Lund, Paquito D’Rivera, Jaleel Shaw, Marcus Strickland, Jonathan Kreisberg, Walter Smith III, Aaron Goldberg, John Riley, Mike Moreno, Frank Lacy, etc…
Actualmente, compaxina a docencia no Seminario Permanente de Jazz de Pontevedra, ademáis de actuar en diferentes festivais tanto a nivel estatal como nos internacionáis; Grecia, Cuba, Uruguay, Dinamarca, Israel, Estados Unidos, Arxentina, Tánger, Helsinki, Isla de Madeira, etc… Paco Charlín… “un dos mais firmes valores da nova xeración de músicos de Jazz do noso país, tanto por a súa firmeza como acompañante, como por a súa expresividade de ideas como solista, sin olvidar as suas virtudes técnicas dun instrumentista de probada eficacia”…

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

O Porco, o animal totémico dos cocidos e dos entroidos, toma os teatros para demostrar a sua superioridade sobre os seres humanos. O que presenta Excéntricas é un teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serrín, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.

Vai para cen anos, Vicente Risco detectou unha nutrida presenza porcina vestida con elegantes abrigos e chapéus a confundirse cos propios burgueses. A divertidísima sátira do ourensán, a medio camiño entre o circo, o barracón, os fantoches e o cabarete, ten hoxe mais vixencia que nunca. Nesta viaxe á fascinante década do 20 do século XX, pasarán como nunha linterna máxica, anarquistas, esportistas, agraristas, proxenetistas, golpistas, vanguardistas, caciquistas, futuristas, pasadistas e presentistas.

Producións Teatrais Excéntricas inventa, para reinventar este retrato de NÓS, un teatro de fenómenos cheo de monstros de barracón. Para dar vida á galería zoolóxica contamos con tres fenómenos: Patricia Vázquez, Victor Mosqueira e Evaristo Calvo

A artista galega, Ugía Pedreira, coñecida como A Pedreira, traerá o seu primeiro traballo con firma propia, Segmento Cantábrico, no que combina instrumentos máis orgánicos do folk coa música electrónica vintage, e no que integra Spoken word, poesía e canción.

A Pedreira é unha desas artistas que son quen de crear tendencia en cada obra, tanto polo contido, como por estética ou ética. Das músicas máis queridas e admiradas de Galicia, cunha enorme intelixencia musical e entre as máis respectadas e escoitadas na profesión. 

Entradas para o concerto en Ataquilla.com a partir de 16+ gastos de xestión.

Abonos para todo o ciclo (Maria Arnal i Marcel Bagés e A Pedreira) a 30e+ gastos en Ataquilla.com

Menores de12 anos, 50% de desconto.

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

A avogada Marinetti é unha muller implacable e amargada que denunciou a case toda a veciñanza. A súa vida cambia o día en que Omar, un neno refuxiado, cae dunha rama da súa nogueira. O neno transforma a súa vida por completo e para poder quedar con el, afirma que é unha noz e que, segundo unha antiga lei, todos os froitos que caen no seu xardín perténcenlle. O xuíz e o fiscal, incrédulos, escoitan ás testemuñas. Mentres, Omar lembra como tivo que fuxir dun país en guerra e como perdeu aos seus pais no mar, esperando ter unha oportunidade na vida.
Espectáculo de Teatro recomendado a partir de 4 años. Duración 60 min
Premios FETEN 2021 a Mellor Dirección e Interpretación Coral

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Baseado en La Tribuna de Emilia Pardo Bazán. Unha proposta dramatúrxica audaz que, con sete actrices en escena, conxuga o tono propio dun drama individual e colectivo como La Tribuna, con outros máis frescos e lixeiros, incluso cómicos por momentos, tan característicos da narrativa de Emilia Pardo Bazán.

Aínda bebendo significativamente da citada novela, o noso texto constitúe un producto literario-dramático derivado pero independente.

Un texto que aborda ante unhas figuras (a de Pardo Bazán e a das cigarreiras), unhas situacións e unhas referencias históricas de marcado interés cultural. Figuras, situacións e referencias que dan pé a tratar temas totalmente vivos hoxe en día: memoria colectiva, perspectiva de xénero, dialéctica de modelos sociais e políticos… Temas que, ao fío dos vivos e brilantes argumentos aportados pola escritora e a súa novela, poden suscitar un grandísimo interés na sociedade actual, representada no teatro polo público.

Elenco: Tamara Canosa, Susana Dans, Merce Castro, Isabel Naveira, Covadonga Berdiñas, Ana Santos e Ledicia Sola

Merca o teu abono matinal ou de tarde para todo o ciclo a un custo de 19€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

“ELA” é a nova proposta de Caramuxo teatro para tódolos públicos. “Ela” crea un mundo fantástico a través das cores, a arte e o universo creativo da pintora Maruxa Mallo. unha mistura de poesia, humor, teatro e danza onde descubrir o imaxinario desta muller excepcional. un poema plástico para gozar en familia.
Espectáculo de teatro e danza recomendado a partir de 4 años. Duración aproximada 40 min

Merca o teu abono para todo o ciclo a un custo de 32€ aquí. Entrada individual para este espectáculo espectáculo aquí. E de non esgotarse en venda anticipada, unha hora antes na billeteira do Principal

Ritchie (Blackmore) vive anclado en el Rock and roll de los 70, tiene un tienda de discos y vinilos de colección. Janis (Joplin) ya no canta desde hace años, estudia filosofía en la universidad. Su unión sobrevive después de casi 25 años de crisis matrimonial permanente, formando un círculo vicioso enfermizo, un sistema de relaciones y dependencia imposible de desenredar. Este ‘status quo’ absurdo, en continua combustión, se ve amenazado por la aparición de Álex, un gigoló de ideología vandálica y transgresora que se enamora perdidamente de Janis, al tiempo que establece una profunda amistad con Ritchie. 

La intervención de Joan Baez, empleada de banca que gestiona la hipoteca de Ritchie, clienta de Álex, propicia un final patéticamente feliz al enredo amoroso-financiero entre este grupo de seres humanos fracasados, torpes, perdedores, frustrados, desgastados y maltratados por la vida, que provocan ternura y compasión. 

Con dirección e texto de Santi Cortegoso conta no seu eleco con Josito Porto e Belén Constenla entre outros/as.

Entradas xa á vanda aquí a un prezo de 12€ (4€ para estudantes, maiores de 65 e desempregados)

Lorca viviu en Nova York desde xuño de 1929 a febreiro de 1930. Entón viaxou a Cuba, onde pasou tres meses, e, finalmente, regresou ao Estado español cos poemas do libro Poeta en Nova York na maleta. O espectáculo é aquel encontro de Lorca co público na Residencia de señoritas no que se escoitaron eses poemas por primeira vez.

O espectáculo comeza cun preludio musical, a cargo do cuarteto A Banda, composto por fragmentos das pezas de jazz que Lorca descubriu nos clubs neoiorquinos naquel ano 29. Despois, a voz de Ian Gibson introduce a conferencia e Federico, interpretado por Alberto San Juan, aparece no escenario. Durante unha hora, viaxaremos con el de Granada a Nova York e á Habana.

Alberto San Juan

Claudio de Casas, guitarra

Pablo Navarro, contrabaixo

Gabriel Marijuán, batería

Entradas xa á venda en Ataquilla.com a partir de 12€ e de non esgotarse unha hora antes na billeteira do Pazo

Nacho Vegas foi e é unha das voces máis respectadas no ámbito das músicas populares, tanto polo conxunto do sector como pola prensa especializada en España e América Latina. Nas súas dúas décadas de traxectoria, Nacho Vegas transitou un camiño que lle levou a converterse nun artista de referencia para un público maioritario e transversal. O seu vasto repertorio, inconfundible, profundamente persoal, está construído sobre un imaxinario colectivo e firmemente apoiado na nosa realidade social. As cancións do asturiano retratan o presente non só do noso país, senón de todo o ámbito latinoamericano.

Nacho Vegas está máis preto de autores como Joaquín Sabina, Joan Manuel Serrat, Cecilia ou outros nomes que forman parte da educación sentimental de varias xeracións de españois e españolas e son parte imprescindible do noso patrimonio cultural.

Tras máis de 20 anos de carreira profesional na música, “Mundos inmóviles derrumbándose” xorde, non como un álbum de madurez, senón como un álbum de plenitude, Todo o que fixo grande a Nacho Vegas no pasado está aquí: a pluma afiada, a introspección, a aguerrida crítica social, o íntimo e confesional, e esas melodías que se instalan no oínte desde a primeira escoita, Vegas ábrese en canle en cada canción e ofrece todo o que ten dentro, cun compromiso moi difícil de ver na música actual, e reinventándose en pleno século XXI cun son máis luminoso e orgánico.