Barbián- zarzuela cabaret de Fernando Carmena con Rodrigo Cuevas

Rodrigo transita airoso polos vasos comunicantes que articulan a dramaturxia de Barbián, a medio camiño entre historia, lenda, anecdotario e comentario social. O repertorio excede esencias populares e sicalípticas, tan afíns á súa personalidade artística. Mentres escoitabamos as composicións orixinais reparamos en que esas mesmas esencias ocultábanse, a miúdo, baixo un tupido manto orquestral que era preciso metamorfosear. Por iso, decidimos tomarnos con Chapí, con Alonso ou con Guerrero as mesmas (benditas) liberdades que eles se tomaron, á súa vez, co folclore. Frank Merfort e Richard Veenstra, compositores e deseñadores sonoros afincados en Berlín, son os artífices desta crucial transfiguración musical. Confrontáronse coa música de Penella, Chueca ou Sorozábal con liberadora sensibilidade contemporánea, aínda que sen perder de vistalas células nai das composicións de partida. O sincretismo zarzuelero abrazou a xota, o chotis, o cuplé… e permea tanto a nosa aposta musical como o fabuloso vestiario deseñado por Constantino Menéndez ( Made by Kös).  Entre Madrid e Berlín, entre a horta e o cabaré, entre o enxebre e o cosmopolita, propoñemos unha viaxe heterodoxo por un xénero non menos heterodoxo. Esperemos que o gocen tan barbianamente como nós.

Entradas xa á venda en Ataquilla.com a partir de 15€+ gastos e de non esgotarse, unha hora antes do espectáculo na billeteira do Auditorio do Pazo da Cultura.