Concerto 30 aniversario Coral Xuntanza de Meis

Este concerto é o arranque das celebracións do 30 aniversario e, que mellor escenario que o Teatro Principal para ofrecer ao público asistente unha mostra do traballo realizado ao longo destas tres décadas de vida.

A Coral Polifónica Xuntanza de Meis naceu no ano 1994 por iniciativa dos membros dos 8 coros relixiosos que en aquel momento existían no noso concello. Durante estes anos visitaron toda Galicia, gran parte da xeografía española (Barcelona, San Felices de Buelna, Zumaia Avilés, Cudillero, Málaga, Madrid, Cáceres, Burgos, etc), Portugal, e incluso, no ano 2004 viaxamos a Boa Aires. 

Na actualdiade a formación consta de 40 membros baixo a dirección de Montse Arosa (desde 2007).

O vindeiro sábado farán un repaso do seu repertorio, acompañados ao piano pola pianista Lorena Varela Guzmán. A presentación do evento correrá a cargo do maestro Mario Gallego Rey, cronista oficial do concello de Meis.

Entrada libre ata completar cabida.