CONCERTO MULLERES E INSPIRACIÓN DA ORQUESTRA SINFÓNICA DE PONTEVEDRA

Dentro do ciclo Mulleres Inspiración, do que podedes consultar todo o programa aquí, a Orquestra Sinfónica de Pontevedra, protagonizará o vindeiro 12 de Marzo de 2023 ás 19 h, no Pazo Da Cultura de Pontevedra un concerto moi especial co nome de “Mulleres e Inspiración” baixo a batuta de Renata Oliveira.

Entradas en Ataquilla.com a un prezo xeral de 12€ e reducido de 4€ para estudantes, desempregados e maiores de 65 anos. De non esgotarse, unha hora antes na billeteira.

Unha proposta de programa que reúne no seu eixo central a posta en valor das mulleres e dos seus oficios relacionados coa música. Dar visibilidade a unha profesión que dende moi antigo sempre foi asumida por unha maioría masculina.

Nel poderemos escoitar as melodías máis significativas de Amy Beach, nena prodixio dende idade moi temperá, sendo a primeira muller norteamericana en compoñer e interpretar unha Sinfonía. E como non, a tres mulleres compositoras e talentosas da nosa época e contorna, como son Sofía Oriana, Carme Rodríguez e Julia Dopico que serán ademais as encargadas de vincular as súas melodías coa nosa ben querida Galiza, nas que unha frauta e unha bandurria serán as protagonistas.

Un conxunto impecable que pretende mostrar a sensibilidade e o nivel creativo de tantas mulleres que quedaron no esquecemento dentro da música clásica, e que se non fora polas circunstancias sociais vividas nas súas épocas, hoxe poderían estar consolidadas como primordiais no repertorio da interpretación musical.