MARTES DE CINECLUBE - "OS OSOS NON EXISTEN"

Jafar Panahi, 2022, Irán, 107 min., VOSE. Lingua: persa, turco, azarí

Desde unha aldea iraniana fronteiriza, un director de cinema perseguido polo réxime  (Jafar Panahi, a facer de si mesmo) dirixe a distancia unha rodaxe en Turquía. Certo día, toma unha fotografía na que aparece algo que perturba a aparente tranquilidade da comunidade que o acolle: unha parella de namorados bicándose.

Perseguido polo réxime iraniano desde 2009, Panahi rodou Os osos non existen na clandestinidade, pouco antes de ser detido e sentenciado a 6 anos de cárcere. O seu filme si viaxou ao Festival de Venecia do ano pasado, onde foi recoñecido co Premio Especial do Xurado.