MARTES DE CINECLUBE -'SANTIAGO, ITALIA'

Nanni Moretti, 2018, Italia, 95′, VOSE
Lingua orixinal: italiano e español

Documental sobre o Chile e a Italia dos 70 configurado a partir de múltiplos e emotivos testemuños. O filme parte dos acontecementos máis coñecidos para irse centrando nun episodio concreto: o papel que xogou a Embaixada de Italia en Santiago logo do derrocamento do goberno democrático de Salvador Allende, acollendo centos de opositores á ditadura militar tralo golpe de Estado de Augusto Pinochet e ofrecéndolles axuda para abandonar o país. Desde Chile, Moretti reivindica esa Italia rossa e solidaria cos pobos.