PONTEATRO - 'ARRAIANOS' DE SARABELA TEATRO

Arraianos (Méndez Ferrín) é unha suma de relatos excelentes que estremecen e fan deambular por mundos nos que transitan o erotismo, o misterio, a miseria, a conciencia, e a grandeza de alma e de vida. Historias de meigas, contrabando, caciquismo e agrarismo.

Temas inquietantes, extraordinarios e fermosos. Universos ateigados de cadencia, fondura e emoción. Dunha beleza inmensa e ao tempo terrible e evocadora, Ferrín consegue reconciliarnos coa maxia da súa delirante maneira de describir o mundo.

Entradas á venda en Ataquilla.com a un prezo de 8€. Prezo reducido de 4€ para estudantes, desempregadxs e maiores de 65 anos