Ponteatro: Estrela do día

Unha comedia divina, chea de cor, de música, de misterio e de humor. A palabra poética dos códices foxe do libro e encárnase na escena. As personaxes saen das miniaturas medievais e chegan aos nosos días da man e do talento de Evaristo Calvo, Rocío González, Vítor Mosqueira e Patricia Vázquez. Estrela do día é unha experiencia para o público recuperar a fe no teatro, o único lugar onde o milagre aínda é posíbel.

Entradas á venda en Ataquilla.com a un prezo de 8€ (4€ para estudantes, desempregados e xubilados) e de non esgotarse, unha hora antes do evento na billeteira do Principal.