SURFING THE LEREZ do 23 ao 25 de xuño na Illa das Esculturas

A Illa do Covo volverá ser o escenario principal da festa, que contará con varios escenarios onde distribuír as ducias de concertos que se sucederán ao longo do día. O cartel desta edición está composto en exclusiva por grupos galegos, mais pon o foco tamén sobre a escena pontevedresa local, con representantes coma Queco Lago, Uncle Doc & The Homeboys ou Carlota Crey. Consulta as grellas de programación dos 3 días, aquí.
Igual que outros anos, se ben a entrada é de balde, existe unha colaboración de recollida de alimentos coa Rede Axuda, co fin de entregar algún tipo de alimento ao entrar no recinto.
Doutra banda, ademais dos concertos, están previstos obradoiros infantís, actividades de memoria, xogos e postos de gastronomía impulsados por hostaleiros locais.