VISITAS GUIADAS A SIMBIOSE_O MÚLTIPLE QUE OCUPA O ESPAZO

INSCRICIÓNS EN APUNTATE.PONTEVEDRA.GAL

Visitas para público xeral, adulto e familiar.
Duración aprox.: 1 h.
Prazas limitadas

Datas:

• xoves 16 de maio – 18:30h.
• domingo 19 de maio – 12h.
• domingo 26 de maio – 12h.
• xoves 30 de maio – 18:30h.
• domingo 2 de xuño – 12h.
• domingo 9 de xuño – 12h.
• xoves 13 de xuño – 18:30h.
• domingo 16 de xuño – 12h.
• sábado 22 de xuño – 12h.
• xoves 27 de xuño – 18:30h.
• domingo 30 de xuño – 12h.

INSCRICIÓNS EN APUNTATE.PONTEVEDRA.GAL

NOTA: Está é unha petición de visita. No caso de admitirse, porémonos en contacto con vostede para confirmar a súa reserva.

Na proposta expositiva _Simbiose, mergullámonos no universo da gráfica de campo expandido onde, os artistas seleccionados ocupan con distintos tipos de obras o espazo da sala, traballando desde a multiplexación, desde a repetición, a transformación e a idea de matriz xeradora de orixinais múltiples. Aquí, a repetición non só implica a reprodución, senón tamén a produción e a transformación continua que coloniza o espazo da instalación. En _Simbiose esta complexidade do múltiple que habita o espazo instalativo, móstranos visualmente, entre outras apreciacións, o concepto de serie como algo vivo, mutante, global, onde a idea de edición e o número entrelázanse coa vida para crear unha rede de posibilidades infinitas. Unha formulación expositiva que pretende ilustrar o modelo de complexidade sistémica da sociedade actual, o cal pode relacionarse coa arte desde os modelos temporais que expón a física cuántica, desde as dinámicas fractais naturais autoxenerativas ou desde a influencia das novas tecnoloxías na sociedade da información e a comunicación en rede contemporáneas.

Dentro deste espazo do posible, en _Simbiose tamén se explora a noción de pegada tanto na súa forma física ou dixital como conceptual. Observamos como a matriz física deixa unha marca tanxible, mentres que a matriz dixital desprégase nun reino intanxible pero igualmente influente. Os contrarios, como o positivo e o negativo, coexisten e compleméntanse, xerando unha transmisión de semellanzas inversas que amplían as fronteiras do concibible como orixinal múltiple. Neste contexto, xorden conceptos como o dobre investido, o dobre desdobrado e a imaxe especular, mutacións de manifestacións da multiplicación e que nos convidan, a través de determinádeas obras, á reflexión.