Voices: ROCÍO MÁRQUEZ E BRONQUIO NO PAZO DA CULTURA

A cantaora flamenca, Rocío Márquez, leva máis dunha década labrándose unha sólida carreira artística converténdose nunha figura consolidada no panorama musical tras recibir numerosos premios, entre eles o “Les Victoires du Jazz 2020 (Francia) ó mellor Álbum de Músicas do Mundo” sendo a primeira artista española en logralo e o primeiro álbum de flamenco recoñecido.

Pola súa parte, Bronquio, produtor musical cunha dilatada traxectoria profesional ás súas costas e que colaborou  con diferentes artistas como Kiko Veneno, Natalia Lacunza ou Anaju, tamén é coñecido entre o público por participar no programa Hoy empieza todo de Radio 3 (RNE)

Entradas xa á venda en Ataquilla.com a partir de 18 euros (+ gastos). Os menores de 4 a 12 anos dispoñerán de entradas ó 50% do prezo xeral.